दाङ जिल्ला उद्योग वाणिज्य संघको अध्यक्षमा ध्रुवकुमार गहतराज विजयी

२६, असोज २०८३ सोमबार 

दाङ, घोराही –  दाङ जिल्ला उद्योग वाणिज्य संघको सम्पन्न निर्वाचनबाट ध्रुवकुमार गहतराज अध्यक्ष पदमा विजयी भएका छन्। उनले आफ्ना निकटतम प्रतिस्पर्धी नरेशकुमार श्रेष्ठलाई पछि पार्दै अध्यक्ष पदमा जित हासिल गरेका हुन्।

गहतराज नेतृत्वको साझा व्यवसायी प्यानलबाट वरिष्ठ उपाध्यक्षमा महेन्द्र बुढाथोकी, उद्योग उपाध्यक्षमा गेहेन्द्र बस्नेत र वाणिज्य उपाध्यक्षमा नोर्बु तामाङ विजयी भएका छन्।

त्यस्तै, महासचिव पदमा अर्को प्यानलका माधव खनाल विजयी भएका छन्। कोषाध्यक्ष पदमा पनि अर्को प्यानलका उम्मेदवार निर्वाचित भएका छन्।

निर्वाचनको नतिजासँगै दाङ जिल्ला उद्योग वाणिज्य संघको नयाँ नेतृत्व चयन भएको छ। नयाँ नेतृत्वले जिल्लाका उद्योगी तथा व्यवसायीका हकहित संरक्षण, व्यावसायिक वातावरण सुधार र उद्योग–व्यवसायको प्रवर्द्धनमा काम गर्ने अपेक्षा गरिएको छ।