२७, फल्गुण २०८२ बुधबार
बाँके, नेपालगन्ज – नेपालगन्जमा जारी नेपालगन्ज मेयर कप क्रिकेट प्रतियोगिता अन्तर्गत भएको खेलमा नेपालगन्ज मोडल एकेडेमी (एनएमए) ले मंगोलियन स्पोर्ट्स क्लब लाई ६ विकेटले पराजित गर्दै शानदार जित हात पारेको छ।
पहिले ब्याटिङ गरेको मंगोलियन स्पोर्ट्स क्लबले निर्धारित १६ ओभरमा सबै विकेट गुमाउँदै ११६ रन बनाएको थियो। टोलीका लागि दीपेश शाही ले सर्वाधिक १९ रन जोडे भने अफ्रोज खानसहित अन्य खेलाडीहरूले सानो–सानो योगदान दिएका थिए।
११७ रनको लक्ष्य पछ्याएको नेपालगन्ज मोडल एकेडेमीले संयमित र आत्मविश्वासी ब्याटिङ गर्दै ४ विकेटको क्षतिमा लक्ष्य पूरा गर्यो। टोलीका लागि पारस देवकोटा ले उत्कृष्ट प्रदर्शन गर्दै ३७ बलमा ५३ रनको आकर्षक अर्धशतक प्रहार गरे। उनले आफ्नो इनिङ्समा १० चौका प्रहार गर्दै टोलीलाई जिततर्फ डोर्याएका थिए।
Advertisement
त्यसैगरी बिवेक पुन मगर ले १९ रनको महत्वपूर्ण योगदान दिए भने अनिल घिस्टिङ अविजित १२ रन र शिवा केसी अविजित ४ रन बनाउँदै टोलीलाई जितसम्म पुर्याए।
उत्कृष्ट अलराउन्ड प्रदर्शनका लागि पारस देवकोटा खेलको प्लेयर अफ द म्याच घोषित भए। प्रतियोगिता अन्तर्गत अन्य खेलहरू पनि नेपालगन्जमा जारी रहेका छन्।
Advertisement
