“उम्मेदवार दिपेन्द्र बिष्टद्वारा नेपालगञ्ज वडा न.६ को चुनावी सम्पर्क कार्यालय उद्घाटन” विकास र समावेशी नेतृत्वको नयाँ अध्याय”

१३, माघ २०८२ मगंलवार 

    इरफान अलि

बाँके, नेपालगञ्ज — बाँके क्षेत्र न. २ प्रतिनिधि सभा सदस्य पदका उम्मेदवार दिपेन्द्र बिष्टले आज नेपालगञ्ज उपमहानगरपालिका वडा नं. ६ मा आफ्नो भव्य चुनावी सम्पर्क कार्यालय उद्घाटन गर्दै आफ्नो अभियानलाई नयाँ उचाइमा पुर्‍याउनुभयो। उद्घाटनमा स्थानीय नेता, समर्थक र नागरिकहरूको उत्साही उपस्थितिले माहोललाई अत्यधिक ऊर्जावान बनाएको थियो।

उम्मेदवार बिष्टसँगै समानुपातिक उम्मेदवारहरू काली मियां (कस्मिरा) र जामिया खातुन पनि उपस्थित रहिन्। उनीहरूले स्थानीय विकास, खानेपानी समस्या समाधान, शिक्षा, स्वास्थ्य र समावेशी समाज निर्माणमा आफ्नो स्पष्ट प्रतिबद्धता व्यक्त गर्दै मतदातासँग प्रत्यक्ष संवाद गरे।

उपस्थित जनता र नेता–कार्यकर्ताहरूले बिष्ट र उनकी टीमको सकारात्मक ऊर्जा, स्पष्ट दृष्टिकोण र समावेशी नेतृत्वको प्रशंसा गर्दै आगामी चुनावमा उनीहरूको जीत सुनिश्चित हुने विश्वास व्यक्त गरे।

विश्लेषकहरूले यस उद्घाटनलाई बिष्टको सक्रिय, समावेशी र प्रभावशाली चुनावी अभियानको मुख्य संकेतको रूपमा मूल्यांकन गरेका छन्, जसले बाँके–२ मा आगामी चुनावी प्रतिस्पर्धालाई थप रोमाञ्चक बनाएको छ।