‘गुलजार–ए–अदब’को ५८८औँ मासिक गजल गोष्ठी सम्पन्न, शायरहरूको शेरले मन्त्रमुग्ध बनायो श्रोताहरू

२८ असार २०८२ शनिबार 

बाँके, नेपालगञ्ज – नेपालगञ्जको सक्रिय उर्दू साहित्यिक संस्था ‘गुलजार–ए–अदब’ द्वारा आयोजित ५८८औँ मासिक गजल गोष्ठी शनिबार महेन्द्र पुस्तकालयमा सम्पन्न भएको छ। वरिष्ठ शायर **अब्दुल लतीफ ‘शौक’**को अध्यक्षतामा सम्पन्न गोष्ठीको शीर्षक “किसी भी आईने में देर तक चेहरा नहीं रहता” रहेको थियो।

गोष्ठीमा बाँके र नेपालगञ्जका नवोदित तथा स्थापित शायरहरूले प्रेम, अध्यात्म, सामाजिक यथार्थ, आस्था र मानवता जस्ता विविध आयाम समेटिएका उत्कृष्ट गजलहरू प्रस्तुत गरे। श्रोताहरूले गजलहरूप्रति गहिरो आकर्षण देखाएका थिए।

शायर अब्दुल लतीफ ‘शौक’ को शेर–
“तुमही खुद टिक नही पाते हो अउर सब से यह भी कहते हो
किसी भी आईने में देर तक चेहरा नहीं रहता।”
ले गोष्ठीको भावभूमिमा गहिरो प्रभाव पारेको थियो।

त्यस्तै, शायर सैय्यद अशफाक रसूल हाशमी ‘शैय्यद नेपाली’ को:
“हमारे दरमियाँ उन के कोई चेहरा नहीं रहता,
कई हमवार राहें हैं, कोई पहरा नहीं रहता।”
र
मुस्तफा अहसन कुरैशी ‘अहसन’ को:
“जो अपना हो गया हो फिर वह बेगाना नहीं रहता,
कि दिल में बसने वाला शख्स अन्जाना नहीं रहता।”
जस्ता शेरहरूले श्रोतामाझ विशेष वाहवाही बटुले।

अन्य उल्लेखनीय प्रस्तुति दिने शायरहरूमा सरवर नेपाली, अन्सर नेपाली, वशीम आलम मजहरी, इशमाइल अन्सारी, मो. आरिफ अन्सारी, मेराज अहमद ‘हिमालय’, सहबाज ‘साहीन’ र जहिरुल हक ‘जिनु’ लगायतका नाम समावेश छन्।

कार्यक्रममा डा. उमेर सादिक, राशिद कमाल, बब्बु फारुकी, आसिम सरवर लगायत साहित्यप्रेमीहरूको उल्लेखनीय उपस्थिति रहेको थियो। गोष्ठीको संचालन नुरुल हसन राई ले गर्नुभएको थियो।

गोष्ठीले उर्दू साहित्य विशेषतः गजल विधाको प्रवर्द्धनमा निरन्तर योगदान दिँदै आएको सहभागीहरूको भनाइ थियो।

अगामी गोष्ठी साउन ३१ गते शनिवार ‘जिन्होंने बस्ती उजाड़ डाली, कभी तो उनका हिसाब होगा’ शिर्षकमा आयोजना गरिने जानकारी संस्थाका सचिव मुस्तफा हसन कुरैशीले दिनुभयो।