३, बुधबार २०८२
बाँके, नेपालगन्ज – सीमावर्ती भारतीय बजार रुपैडिहाबाट दैनिक उपभोग्य सामग्री खरिद गर्न जाने नेपाली उपभोक्तालाई निरुत्साहित गर्न नेपालगन्जस्थित जमुनाह नाकामा भन्सार कडाइ गरिएको छ।
भारतबाट आयात हुने खाद्यवस्तुहरूले नेपालगन्जको व्यापार तथा भन्सार राजस्वमा नकारात्मक असर पार्दै आएको भन्दै नेपालगन्ज भन्सार कार्यालयले कडाइ सुरु गरेको हो।
कार्यालयका प्रमुख जनार्दन पौडेलका अनुसार, “एक सय रुपैयाँभन्दा माथिको सामानमा भन्सार तिर्नुपर्ने कानुनी व्यवस्था भए पनि व्यवहारिक रुपमा केही सहुलियत दिँदा राजस्व चुहावट र व्यापारमा असर परेकाले कडाइ गरिएको हो।”
राजस्व परामर्श समितिको निर्णयअनुसार कडाइ गरिएको बताउँदै उनले ग्रामीण नाकामा समेत सुरक्षा गस्ती सक्रिय पारिएको जानकारी दिए।
Advertisement
नेपालगन्जका व्यवसायीहरू themselves लामो समयदेखि भन्सार नाकामा कडाइको माग गर्दै आएका थिए। बाँकेका प्रमुख जिल्ला अधिकारी धर्मराज जोशीले भने, “सुरुमा केहीलाई अप्रिय लाग्न सक्छ, तर ‘नेपालमै खान्छु, बरु कम खान्छु’ भन्ने सोच राखे व्यापार पनि यहीँ फस्टाउँछ।”
विगतका आर्थिक वर्षहरूमा नेपालगन्ज भन्सार कार्यालयले तोकिएको लक्ष्य पूरा गर्न नसकेको पृष्ठभूमिमा चालु आर्थिक वर्ष २०८१/८२ का लागि लक्ष्य घटाएर रु २७ अर्ब १८ करोड ३५ लाख निर्धारण गरिएको छ। तर, चालु वर्षको साउनदेखि फागुनसम्म जम्मा रु १२ अर्ब ६५ करोड मात्र राजस्व संकलन भएकाले यो लक्ष्य हासिल गर्न अझै चुनौतीपूर्ण देखिएको छ।
नेपालगन्ज भन्सार प्रमुख पौडेलका अनुसार, हालसम्मको राजस्व संकलन लक्ष्यको ४६.५ प्रतिशत मात्रै हो। यस पृष्ठभूमिमा भन्सार कडाइलाई राजस्व वृद्धि र स्थानीय व्यापार प्रवर्द्धनको माध्यमको रूपमा लिइएको छ।
Advertisement
